தூக்கம் தொலைக்கும் நிஜங்கள்
தற்கொலைத் தாக்குதலில் சிறப்புத் தேர்ச்சி பெற்றிருந்தவர்கள் விடுதலைப்புலிகள். ஆனால்,
இன்று நடந்த தொடர்
குண்டு வெடிப்புகளை திட்டமிட்ட பயங்கரவாதிகள் விடுதலைப்புலிகளை விடவும் மிகவும் நேர்த்தியாக இந்தத் தாக்குதல்களை செய்து முடித்திருக்கிறார்கள்.
பாதுகாப்பு கெடுபிடிகள் மிகவும் பலவீனமான முறையிலிருக்கும் முக்கியமான தளங்கள் தாக்குதலுக்கு இலக்கிடப்படுகின்றன. தாக்குதலின் பிறகு இரண்டு விதமான பாதிப்புகளை இலங்கை அனுபவிக்கப்போகிறது.
நியூஸிலாந்து கிறிஸ்ட் சேர்ச்சுக்கான பழிவாங்களாக இதனைக் காட்டி முஸ்லிம்கள் மீது வெறுப்பை உண்டுபண்ணுவது. அதன் மூலம் இனங்களுக்கு இடையிலான முறுகல் நிலைமையை தோற்றுவிக்க இந்தத் தாக்குதல் போதுமானது.
பயங்கரவாதிகளின் அடுத்த இலக்கு மிகவும் முக்கியத்துவம் பொருந்தியது. இலங்கையின் பொருளாதாரத்தைக் கட்டிக்காக்க மெது மெதுவாக வளர்ந்து வருகின்ற சுற்றுலா துறையில் பாதுகாப்பு இல்லாத நிலைமையை உருவாக்க இப்படியான தாக்குதல்கள் அவசியம்.
இரண்டாயிரத்து இரண்டாம் வருடம் தொடக்கம் இரண்டாயிரத்து பதினாறாம் வருடம் வரை இந்தோனேசியாவில் தொடராக நடந்து வந்த
குண்டு வெடிப்பு தாக்குதல்களுக்கும் இன்று இலங்கையில் தாக்குதல்கள் நடந்து முடிந்த முறைகளில் அசாதாரணமான ஒற்றுமை ஒன்றிருக்கிறது.
இந்தோனேசிய குண்டு தாக்குதல்களுக்குப் பின்னால் வல்லரசுகளின் பாதுகாப்பு உளவு நிறுவனங்களின் ஆதரவும், அவர்கள் முன்னெடுக்கும் நிகழ்ச்சி நிரல்களும் இருந்திருக்கின்றன என்பது இன்னொரு முக்கிய செய்தியாகும்.
இலங்கையின் பாதுகாப்பில் ஸ்திரத்தன்மையை சிதைப்பதன் மூலம் அமெரிக்காவின் பாதுகாப்பு உதவியில் தங்கியிருக்கும் நிலைமையை தோற்றுவிக்க முடியும். அதன் மூலம் சீனாவினதும், இந்தியாவினதும் செல்வாக்கிலிருக்கும் இலங்கையில் தனது செல்வாக்கை தக்கவைத்துக்கொள்ள அமெரிக்காவினால் முடியும்.
இப்படி செய்வதால் அமெரிக்காவுக்கு என்ன இலாபம் என்று
நீங்கள் கேட்கலாம்?
மாலைதீவிலிருக்கும் அமெரிக்க படைத்தளமான ஜீக்கோ காஸியாவின் பாதுகாப்பு அச்சுறுத்தலுக்கு அனுகூலமாக இருக்கும் ஒரே இடம் இலங்கை. இந்த சின்னத்தீவு இலங்கையில் அமெரிக்காவுக்கு சவால்விடும் நாடுகளான சீனாவும், இந்தியாவும், ஈரானும் நல்லுறவை பேணி வருகின்றன. அதனால், அமரிக்கா ஆதரவு
ஐஸிஸ் இலங்கையிலிருப்பது அமெரிக்காவுக்கு முக்கியம்.
புரிந்திருக்கும் என்று நம்புகிறேன்.